სიუხვის რქა
NPLG Wiki Dictionaries გვერდიდან
სიუხვის რქა – ჯადოსნური რქა, რომელშიც მოთავსებულია ყოველივე ის, რაც მის მფლობელს სურს.
ახალშობილი ზევსი კუნძულ კრეტაზე იზრდებოდა. იგი კეთილმა თხამ, ამალთეამ, გამოკვება თავისი რძით. ერთხელ ამალთეამ რქა მოიტეხა. ეს რქა ნიმფებმა იპოვნეს, ხილით ამოავსეს და ზევსს მიართვეს. მეტისმეტად უყვარდა ზევსს ამალთეა. მისი მოტეხილი რქა რომ იხილა, ღვთაებრივი ხელი შეახო და ჯადოსნური ძალა მიანიჭა. შემდეგ იგი თავის აღმზრდელ ნიმფებს უბოძა და განუცხადა, რომ ამალთეას რქაში ისინი აღმოაჩენდნენ ყოველივეს, რასაც კი მოისურვებდნენ. ასე გაჩნდა ქვეყნად „სიუხვის რქა:“, რომელიც სიმდიდრისა და კეთილდღეობის სიმბოლოდ იქცა.
„სიუხვის რქა“ გეას, ტიქეს, ფორტუნას, პლუტოსისა და სხვა ღმერთების ატრიბუტებად ითვლება.
