სოციალური პოტენციალი
სოციალური პოტენციალი - საზოგადოების სოციალური განვითარების ხასიათი და დონე, მისი შემადგენელი ჯგუფების და ფენების შინაგანი ერთიანობის ხარისხი. ისინი განსაზღვრავენ სახელმწიფოს შესაძლებლობებს და უნარს, გადაწყვიტოს მის წინაშე მდგარი ამოცანები.
სოციალური პოტენციალის სფეროებს წარმოადგენს: საზოგადოების სოციალური სტრუქტურა, სოციალური კავშირები, ცხოვრების დონე და ხარისხი, პიროვნების სტატუსი.
სამხედრო სფეროში სოციალური პოტენციალი გამოიხატება მოსახლეობის ფართო მასების დამოკიდებულებით
სახელმწიფოს სამხედრო პოლიტიკის და მშენებლობისადმი, მისი თავდაცვისუნარიანობის განმტკიცებისადმი;
საზოგადოებაში არმიის ადგილით, სამხედრო-სამოქალაქო ურთიერთობების შინაარსით და ხასიათით, სამხედრო სამსახურისა და სამხედრო მოსამსახურეების პრესტიჟით;
ქვედანაყოფების და ნაწილების სამხედრო კოლექტივების, მთლიანად შეიარაღებული ძალების შინაგანი შეკავშირებით.
სხვა პოტენციალებისაგან განსხვავებით, სოციალური პოტენციალ სახელმწიფოს იმ შესაბამისი მატერიალური და სულიერი ძალების ნაწილი კი არ არის, რომლებიც ხმარდება სამხედრო-პოლიტიკური მიზნების მიღწევას, არამედ წარმოადგენს საფუძველს, რომელზეც ყალიბდება სამხედრო ძლიერების კომპონენტები. მათ განეკუთვნება სახელმწიფოს თავდაცვითი ამოცანების გადასაწყვეტად მასების მობილიზაციის და ორგანიზაცების შესაძლებლობა, მოსახლეობის სამხედრო-პატრიოტული აქტიურობა.