სუმბათაშვილი გიორგი
სუმბათაშვილი გიორგი ნიკოლოზის ძე - (6.VI.1868 - ?) - გენერალი.
სარჩევი |
ბიოგრაფია
- დაამთავრა თბილისის კადეტთა კორპუსი.
- პოდპორუჩიკი (1892).
- პორუჩიკი (1896).
- შტაბსკაპიტანი (1900).
- დაამთავრა ოფიცერთა სკოლა.
- მონაწილეობდა 1904-1905 წლებისის რუსეთ-იაპონიის ომში, სადაც დაიჭრა.
- კაპიტანი (1904).
- 1911 ირიცხება ვიბორგის 85-ე ქვეითთა პოლკში.
- პირველი მსოფლიო ომის დასაწყისში ნოვოჩერკასკის 145-ე პოლკშია.
- მეთაურობდა ბატალიონს.
- პოლკოვნიკი (1914, წარჩინებისთვის).
- 1915-1917 წლებში ცარიცინის 146-ე პოლკის მეთაურია.
დაჯილდოებული იყო ორდენებით: წმ. ვლადიმირის მე-4 ხარისხის ხმლებითა და ბაბთით, წმ. ანას მე-4 ხარისხის, წმ. სტანისლავის მე-2 ხარისხის, წმ. ანას მე-2 ხარისხის ხმლებით, წმ. გიორგის მე-4 ხარისხის, წმ. ანას მე-3 ხარისხის ხმლებითა და ბაბთით, წმ. ვლადიმირის მე-3 ხარისხის ხმლებით. დაჯილდოებული იყო იარაღით.
1918-1921 წლებში მსახურობდა საქართველოს შეირაღებულ ძალებში. გენერალი (1918). სომხეთთან ომის დროს იყო გენერალ მაზნიაშვილის მოადგილე. 1921 წლის თებერვალში, ომის დაწყების წინ, იმყოფებოდა სამხრეთ-აღმოსავლეთის ფრონტის სარდლის, გენერალ ი. გედევანიშვილის დაქვემდებარებაში. უშუალოდ სარდლობდა ბამბაკის ხეობაში სანაინი-შაგალის მიმართულებაზე განლაგებულ შენაერთებს. ომის პირველ ეტაპზე განცდილი მარცხის გამო იძულებული იყო უკან დაეხია თბილისის მიმართულებით. თბილისიდან უკან დახევისას გენერალმა კვინიტაძემ მარცხენა კოლონის უფროსად დანიშნა. მონაწილეობდა 4-5 მარტის ოსიაურის ბრძოლაში, სადაც სარდლობდა მარჯვენა ფრთას და ასევე უღელტეხილების დაცვას. 18-20 მარტს მონაწილეობდა ბათუმიდან ქემალისტების განდევნაში. ემიგრაციაში არ წასულა.
- მიხეილ ბახტაძე
ლიტერატურა
- Русская армия в Великой войне http://www. grwar. ru/;
- М. Гогитидзе, Военная элита Кавказа, т. 1, 2007.
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი
