ტაბელური შეიარაღება
NPLG Wiki Dictionaries გვერდიდან
ტაბელური შეიარაღება - შეიარაღება, რომელიც გათვალისწინებულია სამხედრო ნაწილის შტატის ტაბელით (ნომენკლატურულრაოდენობრივი ჩამონათვალი). ტაბელში მითითებულია თითოეული სახეობის იარაღის დასახელება და რაოდენობა პირადი შემადგენლობის საშტატო დანიშნულების შესაბამისად; ასევე – საშუალებები, რომლებიც აუცილებელია ამ იარაღის გამოსაყენებლად საბრძოლო მოქმედებების, მისი მომსახურების და საბრძოლო მომზადების უზრუნველყოფის დროს. იარაღის გასახარჯი საშუალებების (საბრძოლო მასალები, საწვავი და სხვა) რაოდენობის დადგენა ხდება შესაბამისი ნორმატიული დოკუმენტების გათვალისწინებით.