ტეგანი
ტეგანი – (Ruta graveolens); მცენარეთა გვარი ტეგანისებრთა ოჯახისა. მრავალწლოვანი, მარადმწვანე, ეთერზეთოვანი, ბალახოვანი და ბუჩქ-ბალახოვანი მცენარეების გვარია. აქვთ ყვითელი, ნავისებრი გვირგვინის ფურცლები და კოლოფი ნაყოფი.
ტეგანი – ბიბლიური მცენარე
ძველი და ახალი აღთქმის წიგნებში ტეგანი მოიხსენიება მხოლოდ ერთად-ერთჯერ, ისიც მხოლოდ ლუკას სახარების დამოწმებულ მუხლში. იგი ნახევრად ბუჩქოვანი, ბალახოვანი, ეთერზეთების შემცველი მრავალწლოვანი მცენარეა. გავრცელებულია უმთავრესად ხმელთაშუაზღვისპირეთსა და წინა აზიის ქვეყნებში. განსაკუთრებული გემოსა და არომატის გამო არაბული სამყაროს მკვიდრნი ტეგანოს ნორჩ ფოთოლს, ასევე მის გამხმარ ძირებს სანელებლად იყენებდნენ სამზარეულო საქმეში, სხვადასხვა კერძების შესაკაზმად. სამკურნალო თვისებების გამო ტეგანს ერთხანს იყენებდნენ ხალხურ მედიცინაში და პარფიუმერიაში სურნელოვანი ზეთების და სამზადებლად. თანამედროვე მედიცინაში იგი ტოქსიკურობის გამო აღარ გამოიყენება.
