უგრეხელიძე ვლადიმერ
NPLG Wiki Dictionaries გვერდიდან
ვლადიმერ უგრეხელიძე — (დ. 18 აგვისტო, 1939, თბილისი, — გ. 3 თებერვალი, 2009, თბილისი) — ქართველი კალათბურთელი (192 სმ). თამაშობდა თბილისის „დინამოში“ (1958-74). სსრკ ნაკრების წევრი (1960-65), რომის ოლიმპიური თამაშების მეორე პრიზიორი (1960), მსოფლიოს ჩემპიონატის მესამე პრიზიორი (1963), ევროპის ჩემპიონი (1961), ევროპის ქვეყნების ჩემპიონთა თასის მფლობელი (1962), სსრკ ჩემპიონი (1968), სსრკ ჩემპიონატის სამგზის მეორე (1960, 61, 69) და მესამე (1965) პრიზიორი, სსრკ თასის მფლობელი (1969). მაღალი ნახტომისა და ჰაერში შეყოვნების უნარის გამო მეტსახელად „პტიცა“ შეარქვეს. სსრკ სპორტის დამსახურებული ოსტატი, ღირსების ორდენის კავალერი.
