უზბეკეთი
უზბეკეთი (uzbekistan – უზბეკეთის რესპუბლა) – სახელმწიფო შუა აზიაში, ზღვაზე გასასვლელის გარეშე.
ფართობი – 447,6 ათასი კმ2.
მოსახლეობა – 27,6 მლნ კაცი (2012), მათ შორის 75% უზბეკი.
ოფიციალური ენა – უზბეკური.
დედაქალაქი – ქ. ტაშკენტი.
ადმინისტრაციულად იყოფა 12 მხარედ და ყარაყალპაკისტანის რესპუბლიკად.
სახელმწიფოს და მთავრობის მეთაურია პრეზიდენტი. საკანონმდებლო ორგანოა ოლი მეჯლისი (პარლამენტი), აღმასრულებელი – მთავრობა.
თანამედროვე უზბეკეთმა, რომელიც შედიოდა სსრ კავშირში, დამოუკიდებლობა გამოაცხადა 1991 წლის 31 აგვისტოს. უზბეკეთი დამოუკიდებელ სახელმწიფოთა თანამეგობრობის წევრია. აგრარულ-ინდუსტრიული ქვეყანაა.
მრეწველობის მოწინავე დარგებია: სამთო-მოპოვებითი, მანქანათმშენებლობა, ფერადი მეტალურგია, ბამბის მოყვანა, მეცხვარეობა.
საერთაშორისო აეროპორტი – ტაშკენტი.
შეიარაღებული ძალები საერთო შემადგენლობით 55 ათ. კაცი (2012), სახმელეთო ჯარები 40 ათ., სამხედრო-საჰაერო ძალები 15 ათ. და ეროვნული გვარდია. დაკომპლექტება ხორციელდება გაწვევით.