ფერწერა
NPLG Wiki Dictionaries გვერდიდან
ფერწერა – სახვითი ხელოვნების სახეობა, სადაც მხატვრის შემოქმედებითი დამოკიდებულება საზოგადოებრივი და ბუნებრივი მოვლენებისადმი საღებავების მეშვეობით რაიმე ზედაპირზე გადმოიცემა სახიერად. ფერწერა იყოფა მონუმენტურ, კედლის, დეკორატიულ, დაზგურ და მინიატიურულ ქვესახეებად.
წარმოსასახი საგნებისა და მოვლენების გვაროვნებათა მიხედვით ფერწერა იყოფა ჟანრებად, რომელთაგან მთავარია: ისტორიული, ყოფითი, ბატალური, პორტრეტი, ანიმალისტური. ფერწერა შეიცავს აგრეთვე, რელიგიურ, ალეგორიულ და მითოლოგიურ ქვეჟანრებს, რომლებიც ადრე ითვლებოდნენ ისტორიული ჟანრის ქვეჟანრებად.
