ფრონტის ავიაცია
ფრონტის ავიაცია - მთელი რიგი ქვეყნების სამხედრო-საჰაერო ძალების შემადგენელი ნაწილი, რომელიც გადაიცემა ფრონტების ჯარების სარდლობის ოპერატიულ დაქვემდებარებაში. განკუთვნილია ოპერატიული (ოპერატიულ- ტაქტიკური) ამოცანების გადასაწყვეტად საფრონტო, საარმიო (საკორპუსო) ოპერაციებსა და საერთო-საჯარისო ბრძოლაში, აგრეთვე საჰაერო და საჰაერო თავდაცვის ოპერაციებში საომარი მოქმედების თეატრზე, დესანტსაწინააღმდეგო, საჰაერო-სადესანტო, საზღვაო (საჰაერო-საზღვაო) სადესანტო ოპერაციებში. შედგება სხვადასხვა გვარეობის ავიაციის შენაერთებისა და ნაწილებისაგან (ბომბდამშენი, გამანადგურებელ-ბომბდამშენი, გამანადგურებელი, მოიერიშე, სადაზვერვო და სატრანსპორტო), სპეციალური ჯარების, ლოგისტიკის ნაწილების, ქვედანაყოფებისაგან და სხვა.
ფრონტის ავიაცია შეიქმნა I მსოფლიო ომის წლებში. II მსოფლიო ომის დროს მასზე მოდიოდა ჰაერში ბატონობის მოპოვების (შენარჩუნების) და ფრონტების ჯარების საავიაციო მხარდაჭერის ამოცანების ძირითადი მოცულობა.