ქვემო ნიჩბისი

ქვემო ნიჩბისი - სოფესლი საქართველოში, მცხეთის მუნიციპალიტეტში, მდინარე ნიჩბურას (მტკვრის მარჯვენა შენაკადი) ნაპირებზე. ნიჩბისის თემის საკრებულოს ცენტრი (მოიცავს 4 სოფელს: ახალი ნიჩბისი, ზემო ნიჩბისი, სასხორი, ქვემო ნიჩბისი). ზღვის დონიდან -710 მეტრი, მცხეთიდან -18 კილომეტრი. 2002 წლის აღწერის მონაცემებით სოფელში ცხოვრობს 638 კაცი.

ისტორიული სოფელი ნიჩბისი ახლანდელი ქვემო ნიბისი უნდა იყოს. ქვემო ნიჩბისი ქართლის ერთ-ერთი უძველესი სოფელია. აქ არის მინისა და ჭიქურის დასამზადებელი კვარცის ქვიშის საბადოები, ამიტომ მცხეთასთან, გორთან და მეჯვრისხევთან ერთად ნიჩბისი მეჭურჭლეობის განთქმული ცენტრი იყო. ნიჩბისი მოხსენიებულია გიორგი II-ის 1072 წლის სიგელში. მეფე გიორგი II-ს სოფელი შიომღვიმის მონასტრისათვის შეუწირავს. სოფელზე შეუვალობის სიგელი მონასტერს 1170 წელს განუახლეს. 1615 წელს მეფე ლუარსაბმა ნიჩბისი ქაიხოსრო და მერაბ ციციშვილებს უბოძა. XVIII საუკუნეში სოფელი ლეკთა გამუდმებულმა შემოტევებმა გათანგა. ამავე საუკუნის მიწურულისათვის სოფელში 7 კომლიღა ცხოვრობდა.

წყარო

საქართველოს ისტორიისა და კულტურის ძეგლთა აღწერილობა