ღრმა ბრძოლა
ღრმა ბრძოლა - მოწინააღმდეგის ტაქტიკური თავდაცვის ერთდროული ჩახშობა მთელ სიღრმეზე, სწრაფი ტემპით მისი გარღვევა ქვეითი ჯარით და ტანკებით არტილერიის და ავიაციის მხარდაჭერით; შენაერთის, ნაწილის საბრძოლო მოქმედებების ფორმა.
თავდაცვის გარღვევისათვის გათვალისწინებული იყო საბრძოლო წყობაში შენაერთების და ნაწილების დამრტყმელი და შემბოჭავი ჯგუფების, რეზერვების და საცეცხლე (საარტილერიო) ჯგუფების შექმნა. დამრტყმელი ჯგუფი (მთელი ძალების სულ ცოტა ორი მესამედი) განკუთვნილი იყო მთავარი დარტყმის მიმართულებაზე შეტევისათვის, ხოლო შემბოჭავი ჯგუფი - დამხმარე დარტყმის მიმართულებაზე მოქმედებებისათვის.
თავდაცვის გარღვევასა და სიღრმეზე შეჭრაში განსაკუთრებული ადგილი ეთმობოდა ტანკებს. ისინი იყოფოდნენსამ ჯგუფად: ქვეითი ჯარის უშუალო მხარდაჭერის, ქვეითი ჯარის დისტანციური მხარდაჭერის და დისტანციური მოქმედების.
დივიზიებში იქმნებოდა ქვეითი ჯარის მხარდაჭერის საარტილერიო ჯგუფები - მსროლელთა პოლკების რიცხვის მიხედვით, ხოლო კორპუსებში - შორი მოქმედების ჯგუფები - I ეშელონის დივიზიების რიცხოვნობის მიხედვით.
II მსოფლიო ომის წინა პერიოდში წესდებაში ღრმა ბრძოლის ცნება შევიდა, როგორც „საერთო-საჯარისო ბრძოლა”. ღრმა ბრძოლის თეორიამ, რომელიც ოპერატიული ხელოვნების მთელ რიგ კარდინალურ პრობლემებსაც ეხებოდა, ხელი შეუწყო 30-იან წლებში ღრმა ოპერაციის თეორიის შემუშავებას.
