შორეული კავშირი
NPLG Wiki Dictionaries გვერდიდან
შორეული კავშირი – სხვადასხვა სახის ინფორმაციის გადაცემა სადენური, რადიოსარელეო და თანამგზავრული ხაზებით ერთმანეთისგან დიდი მანძილით (პრაქტიკულად შეზღუდვების გარეშე) დაშორებული კორესპონდენტების ჯგუფებს შორის.
შორეული კავშირისთვის გამოიყენება მრავალარხიანი სისტემა. გადაცემის სისტემები იყოფა: გამოყენებული კავშირის ხაზების მიხედვით – საჰაერო, საკაბელო (ელექტრონული ან ბოჭკოვან-ოპტიკური კაბელი), რადიოსარელეო, ტროპოსფერულ და თანამგზავრულ კავშირებად. რადიო-სარელეო და თანამგზავრული კავშირის ხაზების შემთხვევაში გამოიყენება სიგნალის რეტრანსლაცია.