შტაბების უფროსთა კომიტეტი
NPLG Wiki Dictionaries გვერდიდან
შტაბების უფროსთა კომიტეტი – აშშ-ის უმაღლესი მთავარსარდლის (პრეზიდენტის) და თავდაცვის მინისტრის ძირითადი სამუშაო ორგანო შეიარაღებული ძალების ოპერატიული ხელმძღვანელობისთვის. შეიქმნა 1942 წლის თებერვალში. მასში შედიან თავმჯდომარე და წევრები – არმიის, სამხედრო-საჰაერო ძალების, სამხედრო-საზღვაო ძალების შტაბების უფროსები და საზღვაო ქვეითი ჯარის კომენდანტი. თავის მხრივ, შტაბების უფროსთა კომიტეტის სამუშაო ორგანოს წარმოადგენს გაერთიანებული შტაბი. შტაბების უფროსთა კომიტეტი საფრანგეთში წარმოადგენს თავდაცვის მინისტრთან არსებულ საკონსულტაციო ორგანოს, ბრიტანეთში – თავდაცვის შტაბის კოლეგიურ ორგანოს.