ჩიგოგიძე ნიკოლოზ

ჩიგოგიძე ნიკოლოზ ნაუმის ძე - (?-?) - სოციალისტ-რევოლუციონერი. საქართველოს დემოკრატიული რესპუბლიკის ეროვნული საბჭოს (პარლამენტის) წევრი.

უმაღლესი განათლება რუსეთში მიიღო. დაამთავრა სიბრძნისმეტყველების ფაკულტეტი. მუშაობდა მასწავლებლად. იყო ქართველთა შორის წერა-კითხვის გამავრცელებელი საზოგადოების თბილისის განყოფილების წევრი.

1918 წელს საქართველოს სოციალისტ-რევოლუციონერთა პარტიამ დაასახელა საქართველოს დემოკრატიული რესპუბლიკის ეროვნული საბჭოს (პარლამენტის) წევრად. იყო პარლამენტის განათლებისა და ადგილობრივი თვითმმართველობის კომისიის წევრი. 1919 წლის თებერვლის დამფუძნებელი კრების არჩევნებზე კენჭს იყრიდა სოციალისტრ-რევოლუციონერთა სიით, თუმცა მანდატი ვერ მოიპოვა.

სხვა ბიოგრაფიული მონაცემები არ იძებნება.

ირაკლი ირემაძე

ლიტერატურა

სცსა, ფ. 1836, აღწ. 1, საქ. 109, 119, 127, 201. ფ. 1834, აღწ. 2, საქ. 85.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი