ჩიუელდი

ჩჲუელდი (ბალყ.-ყარაჩ. Чюелди) – ბალყარულ-ყარაჩული ნართული ეპოსის პერსონაჟი, ნართი ყუბუსა და სარასანის ვაჟი, ჲორჲუზმექის სიძე (ვარიანტი: ცოლად ირთავს ბორა-ბათირის ქალიშვილს), უსხურთუქების (ჲორჲუზმექისა და მისი ვაჟების) მტერი. ადრე დაობლებული გმირი ბორა-ბათირის მეცხენე ხდება. მის ეპიკურ ბიოგრაფიას რამდენიმე გმირობა ამშვენებს. აზოვის ზღვასთან (Азау тенгиз) გამართულ რომელიღაც დიდ ბრძოლაში ხელმძღვანელობს რაზმს, რომელთანაც ერთად უკან მობრუნებისას ზღვაში იხრჩობა. ამ გმირის შესახებ არსებული თქმულებების ვარიანტები ერთმანეთისგან ძალზე განსხვავდება.

ლიტერატურა

• Карачаево-балкарский героический эпос. М., 2004;
• М. Ч. Джуртубаев. Мифология и эпос карачаево-балкарского народа. Древние верования балкарцев и карачаевцев. Карачаево-балкарский героический эпос. Нальчик, 2011.

წყარო

კავკასიის ხალხთა მითები და რიტუალები