ჩხეიძე ნატო

ნატო ჩხეიძე

ნატო ჩხეიძე – დაიბადა 1960 წლის 1 ივნისს გორში. — ექიმი, პოლიტიკოსი. მედიცინის მეცნიერებათა კანდიდატი

განათლება – თბილისის სახელმწიფო სამედიცინო ინსტიტუტის სამკურნალო ფაკულტეტი (1978-1984), თსსი პათანატომიის კათედრის ორდინატურა (1984-86).

სამუშაო გამოცდილება

• საქართველოს სახელმწიფო წიგნის პალატის ბიბლიოთეკის ტექნიკოსი (1977-1978)
• თბილისის №1 კლინიკური საავადმყოფოს ექიმი (1986-1994)
• თბილისის სამედიცინო ინსტიტუტის ასისტენტი (1994-1999)
• ტელეკომპანია „იბერიას“ რედაქტორი (2004)
• შპს „ომეგას“ განყოფილების ხელმძღვანელი (2004-2016)

პარლამენტის წევრი

• მე-5 მოწვევის პარლამენტის წევრი (1999-2004): პარტიული სიით, ბლოკი „საქართველოს აღორძინება“, ადამიანის უფლებათა დაცვის, მოქალაქეთა პეტიციებისა და სამოქალაქო საზოგადოების მშენებლობის კომიტეტის და დროებითი სამანდატო კომისიის წევრი.
• მე-9 მოწვევის პარლამენტის წევრი (2016-2020): პარტიული სიით, პოლიტიკური ბლოკი: „დავით თარხან-მოურავი, ირმა ინაშვილი - საქართველოს პატრიოტთა ალიანსი, გაერთიანებული ოპოზიცია“, დარგობრივი ეკონომიკისა და ეკონომიკური პოლიტიკის კომიტეტის წევრი; ადამიანის უფლებათა დაცვისა და სამოქალაქო ინტეგრაციის კომიტეტის წევრი.
• მე-10 მოწვევის პარლამენტის წევრი 2020 წლიდან: პარტიული სიით, საარჩევნო ბლოკი: „ერთიანი ნაციონალური მოძრაობა - გაერთიანებული ოპოზიცია „ძალა ერთობაშია“

წყარო

საქართველოს პარლამენტის წევრები 1990-2015

რესურსები ინტერნეტში

საქართველოს პარლამენტის ოფიციალური საიტი