ცირეკიძე ალექსანდრე
ცირეკიძე ალექსანდრე (სანდრო) (დ. - 2.IX.1894, ქუთაისი - გ. - 15.VI.1923, თბილისი) - ქართველი პოეტი, ცისფერყანწელთა წევრი.
სარჩევი |
ბიოგრაფია
მეექვსე კლასში გამოსცა ხელნაწერი ჟურ. „ჩონგური“. 1912 დაამთავრა სასწავლებლის სრული კურსი და სწავლა განაგრძო პეტერბურგის უნივერსიტეტში. 1914 შეეყარა ტუბერკულოზი და, ჯანმრთელობის გაუარესების გამო, გადავიდა კიევის უნივერსიტეტში, სწავლობდა ისტორია-ფილოლოგიის ფაკულტეტზე. სადიპლომო თემად ბაგრატის ტაძრის შესახებ კვლევა აირჩია. 1916 წელს დაუახლოვდა „ცისფერყანწელებს“. 1920-იანი წლებში ჩამოაყალიბა მწერალთა გართიანება „მწერალთა საგამომცემლო კოოპერატივი“. დააარსა გამომცემლობა „კირჩხიბი“. 1919 შეადგინა „ახალი მწერლობის ანთოლოგია“. 1920 წელს ქუთაისში, მისი ინიციატივით და რედაქტორობით, გამოვიდა ცისფერყანწელთა ლიტერატურული ჟურნალი „შვილდოსანი“, რომლის მხოლოდ სამი ნომერი გამოიცა. 1919 წელს თარგმნა და გამოსცა სტეფან მალარმეს „ლექსები და პროზა“, ასევე თარგმნა შარლ ბოდლერის პოემები პროზად, ოსკარ უაილდის ზღაპრები. 1921 წელს მინიატურების მცირე კრებული „მთვარეულები“. დაკრძალულია ვერის სასაფლაოზე.(გაგა ლომიძე)
ლიტერატურა
მ. ჯალიაშვილი, სიტყვის მთვარეული - სანდრო ცირეკიძე, კრებული „ცამეტნი“, ქუთაისი, 2009.
იხილე აგრეთვე
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი
