ძალის დემონსტრირება (სამხედრო)

NPLG Wiki Dictionaries გვერდიდან
გადასვლა: ნავიგაცია, ძიება

ძალის დემონსტრირება – რომელიმე სახელმწიფოს (სახელმწიფოების ჯგუფის) შეიარაღებული ძალების მოქმედებები, რომლებიც მეორე სახელმწიფოსადმი (სახელმწიფოებისადმი) მუქარის გამომხატველია. ხორციელდება ზეწოლით და პოლიტიკურ, ეკონომიკურ და სხვა დათმობებზე მისი (მათი) იძულებით.

ისტორიისთვის ცნობილია ძალის დემონსტრირების ისეთი ფორმები, როგორიც არის „ზარბაზნების დიპლომატია”, „ალმის დემონსტრაცია”.

II მსოფლიო ომის შემდეგ ძალის დემონსტრირება ყველაზე ხშირად გამოიყენებოდა მსოფლიოს ცალკეულ ქვეყნებში ან რეგიონებში, როგორც პოლიტიკური სიტუაციის განვითარებაზე ზემოქმედების საშუალება. ის შეიძლება ხორციელდებოდეს შეიარაღებული ძალების საბრძოლო მზადყოფნის ხარისხის ამაღლებით, შეიარაღების მკვეთრი გაძლიერებით, ჯარების (საზღვაო ძალების) გაშლის და სახელმწიფო საზღვრისკენ წინ წაწევით, მანევრირებით, წვრთნებით, თვითმფრინავების ფრენის მოწყობით და ა.შ. მშვიდობას და ხალხთა უსაფრთხოებას განსაკუთრებულ საშიშროებას უქმნის ძალის დემონსტრირება ბირთვული იარაღის და მასობრივი დაზიანების სხვა სახეობების იარაღის გამოყენების მუქარით.


წყარო

ქართული სამხედრო ენციკლოპედიური ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები