ჭელიძე თეიმურაზ

თეიმურაზ ჭელიძე

ჭელიძე თეიმურაზ სტეფანეს ძე - (დ. - VII.1876 სოფ. ბაჯი - გ. - 23.X.1937) - სოციალ-დემოკრატი. ქართველი პოლიტიკოსი. პროფესიით იყო ხარაზი.

ბიოგრაფია

განათლება მიიღო ონის საზოგადოების სასოფლო სკოლაში. 1905 წლიდან იყო რსდმპ მენშევიკური ფრაქციის წევრი და აქტიურად მონაწილეობდა რევოლუციურ მოძრაობაში. 1914 წელს გაიწვიეს არმიაში და იბრძოდა ოსმალეთის ფრონტზე, სადაც მსახურობდა 1917 წლამდე. 1919 აირჩიეს საქართველოს დამფუძნებელი კრების წევრად საქართველოს სოციალ-დემოკრატიული მუშათა პარტიის სიით. 1921 წელს „სხივის“ ჯგუფმა, რომელშიც შედიოდა თეიმურაზ ჭელიძე, დატოვა პარტია და ცალკე ფრაქცია შეადგინა. 1921 წლის ოკუპაციის შემდეგ დარჩა საქართველოში.

1922 დააკავეს სვანეთის აჯანყებასთან დაკავშირებით, 1923 გადასახლება მიესაჯა, შემდეგ კი - დახვრეტა.

მანუჩარ გუნცაძე

ლიტერატურა

ი. ხვადაგიანი, საქართველოს დამფუძნებელი კრება 1919, თბ., 2016.

იხილე აგრეთვე

ბიოგრაფიული ლექსიკონი

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი