ჯარების ბაზირება
ჯარების ბაზირება - ნაწილების და შენაერთების (გაერთიანებების) მიერ განლაგების ტერიტორიის, ნაგებობების, ბაზების და მატერიალურ საშუალებების მარაგის (საწყობების) გამოყენება საბრძოლო მზადყოფნის უზრუნველყოფის და ყოველდღიური საქმიანობისათვის მშვიდობიანობის დროს და საბრძოლო მოქმედებების წარმოებისას.
ცნება „ჯარების ბაზირება“ გაჩნდა XVIII საუკუნის ბოლოს. ამ პერიოდში ჯარების მატერიალური უზრუნველყოფა ხდებოდა ოპერატიული ბაზების მეშვეობით.
II მსოფლიო ომის დროს ჯარების ბაზირებაის ძირითადი შემადგენელი ელემეტები იყო: გზები და სატრანსპორტო საშუალებები, საწყობები, ბაზები, არსენალები, სარემონტო, საევაკუაციო, სამედიცინო ნაწილები და სხვა დაწესებულებები; ასევე - ადგილობრივი სასურსათო რესურსი, სამედიცინო, სარემონტო და სხვა სამოქალაქო დაწესებულებები.
XX საუკუნის 50-იანი წლებიდან ტერმინი „ჯარების ბაზირება“ აღარ იხმარება. ამჟამად მატერიალური, ტექნიკური, სამედიცინო და ზოგიერთი სხვა სახის უზრუნველყოფის საკითხები განეკუთვნება ლოგისტიკის სფეროს.
