ჯვრის გამოსახვა
ჯვრის გამოსახვა, (პირჯვარი) - ჯვარი არის ქრისტიანთა ყველაზე მთავარი სიმბოლო, არა მხოლოდ როგორც საყოველთაო ხსნის იარაღი, რომელზედაც ქრისტე იქნა გაკრული, არამედ როგორც მუდმივი შეხსენება იმისა, რომ ადამიანები ვერ გახდებიან ქრისტიანები მანამ, სანამ არ მიიღებენ ჯვარს, როგორც თავიანთი ცხოვრების საფუძველს. რომელსა უნებს შემდგომად ჩემსა მოსლვაჲ, უვარყავნ თავი თვისი და აღიღენ ჯუარი თვისი და შემომიდეგინ მე“ („ვისაც უნდა, შემომიდგეს მე, უარყოს თავისი თავი და აიღოს თავისი ჯვარი და გამომყვეს მე“ მარკოზ, 8:34 )
ამიტომაც იწერენ ქრისტიანები პირჯვარს. მართლმადიდებლები ამას აკეთებენ ასე: აერთებენ საჩვენებელი, შუა და ცერა თითების ბალიშებს, ხოლო ორ დანარჩენ თითს კეცენ და მიაბჯენენ ხელის გულს (რაც ღმერთის სამერთიანობისა და ქრისტეში ორი ბუნების – ღვთაებრივისა და კაცობრივის სიმბოლოებია) და გადაიწერენ პირჯვარს შუბლიდან მკერდისკენ, შემდეგ კი მარჯვენა მხრიდან მარცხენა მხრისკენ. ეს ყოვლისმომცველი სიმბოლო აჩვენებს, რომ ჯვარი არის შთაგონება, ძალა და ჩვენი ცხოვრების ნამდვილი შინაარსი და რომ ჩვენი ცხოვრება, გონება და გული მიმართულია ადამიანისა და ღმერთის სიყვარულისკენ.
