აგნატები
აგნატები - (agnati) - ძველ რომში ნათესავები, რომლებიც ერთმანეთთან დაკავშირებულნი არიან იმით, რომ ერთი ოჯახის უფროსის ძალაუფლების ქვეშ ერთიანდებიან. ეს არის ნათესაური კავშირი მამაკაცის ხაზით. შესაბამისად, და და ძმა არიან აგნატები, მაგრამ დისშვილები აგნატების წრეში აღარ შედიან, რამდენადაც ისინი სხვა ოჯახის უფროსის ძალაუფლებას ექვემდებარებიან. აგნატი არის აყვანილი ვაჟიც, რამდენადაც ის გამოეყო ძველს და გადავიდა ახალი ოჯახის დაქვემდებარებაში. Agnatus proximus ეწოდებოდა უახლოეს ნათესავს აგნატებს შორის. აგნატების უფლებას იცავდა ius agnationis (აგნატობის სამართალი) XII დაფის კანონებში მემკვიდრეობის გაყოფის მხრივ აგნატებს კოგნატებთან შედარებით უპირატესი მდგომარეობა ჰქონდათ, თუმცა დროთა განმავლობაში ხდება კოგნატების როლის მნიშვნელოვნად გაზრდა მემკვიდრეობის გადაცემისას.
