ელიასი პიერ-ჟაკეზ

სახლი პულდრეზიკეში სადაც დაიბადა ელიასი

პიერ-ჟაკეზ ელიასი - (ფრ. Pierre-Jacques Hélias 1914-1995). XX საუკუნის მწერალი, პოეტი, დრამატურგი, ჟურნალისტი და ლინგვისტი.

ბიოგრაფია

პიერ-ჟაკეზ ელიასი დაიბადა 1914 წელს პატარა ქალაქ პულდრეზიკეში, ფინისტერის დეპარტამენტში, რომელიც ბრეტონის ცენტრად ითვლებოდა. რენის უნივერსიტეტის ფილოლოგიური ფაკულტეტის დამთავრების შემდეგ პიერ-ჟაკეზ ელიასი პროფესიონალი ჟურნალისტი და მწერალი ხდება. იგი ინიშნება რადიოსადგურ რადიო-ბრეტონის მთავარ რედაქტორად, რომლის მაუწყებლობაც ბრეტონულ ენაზე ხორციელდებოდა.

ცნობილი ლინგვისტი პ.-ჟ. ელიასი 1947 წლიდან კამპერის უნივერსიტეტის, ხოლო 1971 წლიდან დასავლეთ ბრეტონის უნივერსიტეტის ლინგვისტიკის პროფესორი იყო.

მისი შემოქმედება მრავალფეროვანია. იგი წერს ლექსებს, რომანებსა და პიესებს. მისი კრებულებია: „დიდი ვალეტი“ (1977), „იზოლდა მეორე“ (1979).

წყარო

• XX საუკუნის ფრანგი დრამატურგები და თეატრის თეორეტიკოსები: [ცნობარი / შეადგინა ლევან ხეთაგურმა]. - თბ., 1998. - 111გვ.