თოკი (სოფელი)

თოკი – სოფელი საქართველოში, ასპინძის მუნიციპალიტეტში, ვარგავის თემში, ახალქალაქის პლატოს ჩრდილო-დასავლეთ ნაწილში, მდინარე ფარავნის მარჯვენა მხარეს, ვარევანისწყლის შესართავთან, ზღვის დონიდან 1640-1650 მ სიმაღლეზე, დაბა ასპინძიდან სამხრეთ-აღმოსავლეთით 28 კმ

მანძილზე. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მოსახლეობის რიცხოვნობა – 110 (2002).

შემორჩენილია წმ. გიორგის ეკლესია და სტელები (IX-X სს.). შემორჩენილია დარბაზული ტიპის ერდოიანი საცხოვრებელი სახლები, დარნები, აგრეთვე ძველი ტერასები, სადაც მოშენებული ჰქონდათ ხეხილის ბაღები. როგორც ფიქრობენ, სახელწოდება ვიწრო ბილიკს უნდა უკავშირდებოდეს, რომლითაც მიმოდიოდა მოსახლეობა სოფლიდან ხეობაში განლაგებულ ხეხილის ბაღებამდე.