ანტანტა

ანტანტა (ფრანგული entente – თანხმობა) – ინგლისის, საფრანგეთისა და რუსეთის სამხედრო-პოლიტიკური ბლოკი (ცნობილია აგრეთვე „სამთა თანხმობის“ სახელწოდებით), რომელსაც 1915 წელს შეუერთდა იტალია. გაფორმდა 1904–07 წლებში სამთა კავშირის საპასუხოდ. I მსოფლიო ომის პერიოდში ცენტრალური სახელმწიფოების (ევროპის, სამხრეთ ამერიკისა და აღმოსავლეთის ქვეყნები) წინააღმდეგ ანტანტამ გააერთიანა 30-მდე სახელმწიფო. I მსოფლიო ომის დამთავრების შემდეგ მალე დაიშალა.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი 2017