არმიის თავდაცვითი ოპერაცია
(→წყარო) |
|||
| ხაზი 26: | ხაზი 26: | ||
==წყარო== | ==წყარო== | ||
| − | ქართული სამხედრო ენციკლოპედიური ლექსიკონი | + | * [[ქართული სამხედრო ენციკლოპედიური ლექსიკონი]] |
15:16, 27 თებერვალი 2018-ის ვერსია
არმიის თავდაცვითი ოპერაცია – შეთანხმებული თავდაცვითი ბატალიების, საბრძოლო მოქმედებების, ბრძოლების, დარტყმებისა და მანევრების ერთობლიობა. ხორციელდება არმიის შენაერთების, ნაწილების მიერ მეზობლებთან, შეიარაღებული ძალების სახეობების, გვარეობების, სპეციალური ჯარების შენაერთებთან, ნაწილებთან და სხვა ფორმირებებთან ურთიერთქმედებით. ყველანი - არმიის ინტერესებისთვის მოქმედებენ.
ამ ოპერაციის მიზნებია:
- მოწინააღმდეგის შეტევის მოგერიება (ზოგიერთ შემთხვევაში – ჩაშლა);
- მისი დამრტყმელი დაჯგუფებებისთვის ზიანის მიყენება;
- რაიონების შენარჩუნება;
- ძალებისა და საშუალებების დაზოგვა;
- ძირითადი ძალების გაშლის უზრუნველსაყოფად დროის მოგება და შემდგომი ოპერაციების ჩასატარებლად პირობების შექმნა.
ამ მიზნების განხორციელება შესაძლებელია შემდეგი ძირითადი ამოცანების შესრულების გზით:
- მოწინააღმდეგის საჰაერო – კოსმოსური შეტევის მოგერიებაში მონაწილეობა;
- მასირებული საცეცხლე დარტყმების მიყენება;
- მტრის ჯარების შეიარაღების დაზვერვისა და რადიოელექტრონული ბრძოლის, მართვის სისტემების დეზორგანიზაცია, მოწინააღმდეგის სახმელეთო ჯარების დაჯგუფების წინ წამოწევის ჩაშლა;
- დაკავებული ზღუდეების, პოზიციების (რაიონების) შენარჩუნება;
- დანიშნულ რაიონებში რეზერვების დროული გაშლის უზრუნველყოფა;
- მოწინააღმდეგის სადესანტო – დივერსიული ძალების განადგურება;
- მისი შემოჭრილი და გარღვევაში მყოფი ჯარების დაჯგუფებების განადგურება;
- მნიშვნელოვან მიმართულებებზე მდგომარეობის აღდგენა.
არმიის თავდაცვითი ოპერაციის პირველი ნიშნები ჩაისახა 1870–71 წლებში საფრანგეთ-პრუსიის ომში და XIX საუკუნის სხვა ომებში. შემდეგ მან განვითარება პოვა I და II მსოფლიო ომებში.
არმიის თავდაცვითი ოპერაციის თეორიის და პრაქტიკის მნიშვნელოვანი განვითარება მოჰყვა ზოგიერთი ქვეყნის არმიებში ბირთვული იარაღის შექმნას და დანერგვას, არსებული დაზიანების საშუალებების სრულყოფასა და ახლის შექმნას. არმიას შეუძლია მოამზადოს და დაიკავოს თავდაცვა წინასწარ ომის დაწყებამდე. გადავიდეს თავდაცვაში საბრძოლო მოქმედებების დაწყებამდე ან მისი წარმოების დროს.
თავდაცვაზე გადასვლა შეიძლება განხორციელდეს განზრახ ან იძულებით მოწინააღმდეგესთან შეუხებლობის ან მასთან უშუალო შეხების პირობებში.
