ბაკურაძე ვასილ

ბაკურაძე ვასილ ზურაბის ძე - (1886, ჭიათურა, ქუთაისის მაზრა - ?) - სოციალ-დემოკრატი. საქართველოს დემოკრატიული რესპუბლიკის დამფუძნებელი კრების წევრი.

ბიოგრაფია

დაიბადა გლეხის ოჯახში, დაწყებითი განათლება სამრევლო სკოლაში მიიღო. სწავლობდა თბილისის სასულიერო სემინარიაში. იყო რსდმ პარტიის მენშევიკური ფრაქციის წევრი აქვეყნებდა სტატიებს პარტიულ პრესაში.

1919 წლის თებერვალში საქართველოს სოციალ-დემოკრატიული მუშათა პარტიის სიით არჩეულ იქნა საქართველოს დემოკრატიული რესპუბლიკის დამფუძნებელი კრების წევრად.

საბჭოთა რუსეთის მიერ საქართველოს დემოკრატიული რესპუბლიკის ოკუპაციის შემდეგ დარჩა საქართველოში, თუმცა ჩამოშორდა პარტიულ საქმიანობას.

სხვა ბიოგრაფიული ცნობები არ იძებნება.

ირაკლი ირემაძე

ლიტერატურა

• ი. ხვადაგიანი, „დამფუძნებელი კრება“, საბჭოთა წარსულის კვლევის ლაბორატორია, 2016;
• სცსა, ფ. 1836, აღწ. 1, საქ. 108;
• ფ. 1834, აღწ. 2, საქ. 52.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

ვასილ ბაკურაძე