ბიბლიოვიკი

ბიბლიოვიკში მონაცემების შეტანა, განახლება და რედაქტირება შესაძლებელია მხოლოდ ბიბლიოვიკის ადმინისტრატორის მიერ.

ეს არის საქართველოს პარლამენტის ეროვნული ბიბლიოთეკის მონაცემთა ბაზა, რომელშიც თავმოყრილია ქართველი და უცხოელი ავტორების მიერ გამოცემული ენციკლოპედიური ხასიათის სამეცნიერო და სამეცნიერო-პოპულარული სტატიები.

კატეგორიები

რჩეული სტატია ელიგულაშვილი იოსებ არონის ძე - (12.XI.1890, ქუთაისი - 20.X.1952, პარიზი) - საქართველოს დემოკრატიული რესპუბლიკის სახელმწიფო მოღვაწე. დაიბადა ქართველი ებრაელის, ქუთაისის პირველი გილდიის ვაჭრისა და მეცენატის ოჯახში. დაამთავრა ქუთაისის რეალური სასწავლებელი და მოსკოვის კომერციული ინსტიტუტი. ჩაება ოჯახის კომერციულ საქმიანობაში. სტუდენტობის პერიოდში გახდა სოციალ-დემოკრატიული პარტიის (მენშევიკური მიმართულება) წევრი. 1917 წლის რევოლუციის შემდეგ დაბრუნდა საქართველოში. იყო საგარეო ვაჭრობის კომიტეტის, საქართველოს ეროვნული საბჭოსა და დამფუძნებელი კრების წევრი. მისი ფაქსიმილე დაფიქსირებულია საქართველოს დამოუკიდებლობის აღდგენის აქტზე. იყო საქართველოს დემოკრატიული რესპუბლიკის ფინანსთა და ვაჭრობა-მრეწველობის მინისტრის მოადგილე. სრულად...

დღის სტატია რიჩარდ ჰამილტონი − (Richard Hamilton, 1922-2011)1950-იან წლებში, ვიდრე ბრიტანეთის მთავრობა მიიჩნევდა, რომ ქვეყნის ომის შემდგომი განახლება მდგრად მოხმარებაზე იყო დამოკიდებული, ლონდონში დამოუკიდებელ ჯგუფად ჩამოყალიბდა მხატვრების, არქიტექტორების, ფოტოგრაფებისა და მწერლების ინტერდისციპლინარული გაერთიანება, რომლის მიზანი იყო მსჯელობა ხელოვნების ადგილზე სამომხმარებლო საზოგადოებაში. საამისოდ, ისინი პერიოდულად აწყობოდნენ გამოფენებს თანამედროვე ხელოვნების ინსტიტუტში. ამ ჯგუფის ერთ-ერთი წევრი იყო რიჩარდ ჰამილტონი, რომელიც ამტკიცებდა, რომ თანამედროვე მასობრივი ვიზუალური კულტურა სწრაფად ანაცვლებდა ტრადიციულ ხელოვნებას ფართო საზოგადოებაში; რომ მშვენიერების სტანდარტს განსაზღვრავდა კინო, ტელევიზია და რეკლამა, რომლებიც არ განეკუთვნებოდა მაღალი ხელოვნების კატეგორიას. სრულად...

დღის სურათი ტარსილა დო ამარალი. ABAPORU (ის, ვინც ჭამს), 1928; ტილო, ზეთი, 86.4X73.7 სმ. ლათინოამერიკული ხელოვნების მუზეუმი, ბუენოს-აირესი. გადაცემულია გილერმე აუგუსთო დო ამარალი/მალბას მიერ-კონსტანტინის კოლექცია, ბუენოს-აირესი.

მოცხარი მოცხარი - საჭიროებს ნოყიერ, კარგად დრენირებულ, კირით მდიდარ ნიადაგებს. დარგვამდე ნიადაგს ამუშავებენ 30-35 სმ. სიღრმეზე და შეაქვთ ორგანული სასუქი 100-120 ტ/ჰა, მინერალური ფოსფოროვან-კალიუმიანი 300 კგ/ჰა სუფთა ნივთიერებაზე გადაანგარიშებით. ჯიშობრივი მახასიათებლების შესანარჩუნებლად მოცხარს ვეგეტატიურად – კალმებითა და გადაწვენით ამრავლებენ. დარგვის საუკეთესო პერიოდია სექტემბრის ბოლო – ოქტომბრის პირველი დეკადა. რგავენ ადრე გაზაფხულზეც. დაშორება – 50-70 სმ., რიგში – 12-15 სმ-ია. თუკი ამ დროს მშრალი ამინდია, საჭიროა მორწყვა. მსხმოიარე ბუჩქების შუაგულიდან ახალი ყლორტების 20% და ძველი ღეროების 15%-ს გამოხშირავენ. ასევე აშორებენ დაავადებულ ღეროებსაც. ზრდასრული მოცხრის ბუჩქში 12-20 განსხვავებულასაკიანი ტოტი უნდა იყოს. მორწყვა განსაკუთრებით მნიშვნელოვანია მშრალ პერიოდებში. მოცხარი ბევრ ტენს მოიხმარს ნაყოფის ფორმირებისა და დამწიფების პერიოდში. სრულად...