ბუღა-ტბა
NPLG Wiki Dictionaries გვერდიდან
(სხვაობა ვერსიებს შორის)
მ (მომხმარებელმა Tkenchoshvili გვერდი „ბუღა-ტბა“ გადაიტანა გვერდზე „ბუღა-გოლი“) |
16:11, 23 იანვარი 2020-ის ვერსია
ბუღა-ტბა – აჭარაში, არსიანის მთის ძირას, არის ერთი მრგვალი ტბა. უხსოვარ დროში ზაფხულობით ამ ტბიდან წითელი, შავწამწამიანი ღონიერი ბუღა ამოდიოდა და სოფლის ძროხებს ამაკებდა. ამბობენ, ახლანდელ ხარებს შავი წამწამები მისგან გამოყვათო. ბუღა ხარებს ემტერებოდა თურმე და სულ გაუწყვეტია. სოფელი ვერაფერს გახდა, ვერა და ვერ მოიშორეს ბუღა. ბოლოს, ერთი კაცი, რომელსაც ერთადერთი ხარი შემორჩენოდა, ასე მოქცეულა: ხარს წაწვეტებული რკინა დაუმაგრა რქებზე და გაუშვა ტბისკენ. როგორც კი ბუღა ტბიდან ამოვიდა, ხარი გაექანა მისკენ და ფერდში დააძგერა რკინის რქები. დაჭრილი ბუღა ისევ უკან გაბრუნებულა, ტბაში ჩასულა და მას მერე აღარ გამოჩენილა.
