გოგოლაძე კაპიტონ
NPLG Wiki Dictionaries გვერდიდან
20:35, 28 იანვარი 2021-ის ვერსია, შეტანილი Tkenchoshvili (განხილვა | წვლილი)-ის მიერ
გოგოლაძე კაპიტონ - (? - 1942) - ქართველი პოეტი, სოციალ-დემოკრატი, ეწეოდა აქტიურ ჟურნალისტურ საქმიანობას. განსაკუთრებით აღსანიშნავია მისი მოღვაწეობა სატირულ ჟურნალ „ეშმაკის მათრახში”. გარდა ამისა, იგი წერდა „მათრახში“, „მათრახი და სალამურში“, აგრეთვე, გაზეთ „კვალში”. აქტიურად იყო ჩაბმული პოლემიკაში ილია ჭავჭავაძესთან და მის მომხრეებთან. 1909-1915 წლებში იყო ქართველთა შორის წერა-კითხვის გამავრცელებელი საზოგადოების ბათუმის განყოფილების სარევიზიო კომისიის წევრი. მუშაობდა ბათუმის საურთიერთო ნდობის საზოგადოებაში მოანგარიშედ.
იყო საქართველოს დემოკრატიული რესპუბლიკის ეროვნული საბჭოს წევრი.
- ნოდარ ჩხაიძე
ლიტერატურა
სცსა, ფ. 1836, აღწ. 1, საქ. 109.
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი