გონაშვილი ბეჟან
NPLG Wiki Dictionaries გვერდიდან
ბეჟან გონაშვილი – დაიბადა 1956 წლის 18 სექტემბერს წითელწყაროს რაიონის სოფელ არბოშიკში. — პოლიტიკოსი. ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი).
განათლება – თბილისის სახელმწიფო უნივერსიტეტის სახალხო მეურნეობის დაგეგმვის ფაკულტეტი (1978).
სამუშაო გამოცდილება
- აგრონომ-ეკონომისტი, კოლმეურნეობების საქმეთა მთავარი სამმართველო, საქ. სოფ. მეურნეობის სამინისტრო (1978-1980)
- წამყვანი სპეციალისტი, ინფორმაციისა და პროგნოზირების სამმართველო, საქ. სოფ.მეურნეობის სამინისტრო (1980-1981)
- დირექტორი, სამთაწყაროს მევენახეობის საბჭოთა მეურნეობა (1981-1987)
- ინსტრუქტორი, საქართველოს კპ ცენტრალური კომიტეტი, სოფ.მეურნეობის და კვების მრეწველობის განყოფილება (1987-1989)
- პირველი მდივანი - საქართველოს კპ წითელწყაროს რაიკომი (1989-1990)
- დალის მთის მეთევზეობის მეურნეობის დირექტორი (1991-1993)
- გამგებელი, დედოფლისწყაროს რაიონის გამგეობა (1993 - 1995)
- საქართველოს პრეზიდენტის რწმუნებულის მოადგილე კახეთის მხარეში (1995-98); პირველი მოადგილე (1998-1999).
პარლამენტის წევრი
- საქართველოს რესპუბლიკის პირველი მოწვევის უზენაესი საბჭოს წევრი (1990-91): მაჟორიტარი, დედოფლისწყაროს საარჩევნო ოლქი, საქართველოს კომპარტია, სოფლის მეურნეობის, მიწათსარგებლობისა და ეკოლოგიის კომისიის წევრი;
- მე-5 მოწვევის პარლამენტის წევრი (1999-2004): მაჟორიტარი, №14 დედოფლისწყაროს საარჩევნო ოლქი, საქართველოს მოქალაქეთა კავშირი, აგრარულ საკითხთა კომიტეტის თავმჯდომარე.
წყარო
საქართველოს პარლამენტის წევრები 1990-2015