გორჯოლო ყველი
NPLG Wiki Dictionaries გვერდიდან
15:42, 24 იანვარი 2020-ის ვერსია, შეტანილი Tkenchoshvili (განხილვა | წვლილი)-ის მიერ
გორჯოლო ყველი − მდარე ხარისხის ნაღებმოხდილი რძიდან შემზადებული ყველი.
ყველი ამოსაყვანად კვეთს არ ხმარობდნენ, ჭურჭელში რძეს მის გარეშე ამჟავებდნენ. ეს პროცესი რამდენიმე, დაახლოებით, ორ-ექვს დღეს გრძელდებოდა, ყველი შედგებოდა და შედედებულ რძეს ჭურჭელში − ქვაბში ჩაასხამდნენ, შემდეგ ცეცხლზე შედგამდნენ, ნელ ცეცხლს შეუკეთებდნენ, ციცხვით შეურევდნენ, რათა რძე ქვაბში ყველგან თანაბრად გამთბარიყო. ერთ საათში ქვაბს თავზე გორჯოლო ყველი მოადგებოდა. როცა ყველი „ქვაბს მოცურდებოდა” − ზევით ამოიწევდა, ცხელ გორჯოლოს ციცხვით ამოიღებდნენ, სპილენძის სუზგში − თუშფალანგში გადაიტანდნენ და გაწურავდნენ. ბოლოს მასას ჩახვში − თოფრაში ჩაასხამდნენ, შრატისაგან გაწურავდენ და ყველიც მზად იყო.
ლიტერატურა
შამილაძე, 1969:138, 140; ნიჟარაძე, 1971:148.