დამოუკიდებელი საქართველო (გაზეთი)

NPLG Wiki Dictionaries გვერდიდან
გადასვლა: ნავიგაცია, ძიება

„დამოუკიდებელი საქართველო“ - „La Géorgie in dépendante“ (1919-1920) / „საქართველოს რესპუბლიკა“ - La République géorgienne“ (1920- 1921) - საქართველოს დემოკრატიული რესპუბლიკის ოფიციალური ფრანგულენოვანი პოლიტიკური და ლიტერატურული გაზეთი.

გაზეთი იბეჭდებოდა რვა გვერდზე. თავდაპირველად - თვეში ორჯერ. გაზეთის რედაქცია განთავსებული იყო თბილისში, სასტუმრო „ინტერნაციონალში“. 1919 წლის 22 ივნისიდან კი ყოველკვირეულად გამოიცემოდა. 1920 გაზეთს შეეცვალა სახელწოდება და გამოდიოდა „საქართველოს რესპუბლიკის“ სახელით. 1919 მისი ღირებულება 2 მანეთს შეადგენდა. გაზეთის მთავარი რედაქტორი იყო თბილისის სახელმწიფო უნივერსიტეტის ფრანგული ენის პედაგოგი ელისაბედ ორბელიანი.

გაზეთის გევრდებზე განხილული იყო საქართველოს საგარეო და საშინაო პოლიტიკური ვითარება, საერთაშორისო პოლიტიკა, განსაკუთრებით, ევროპაში მიმდინარე მოვლენები, ამიერკავკასიაში შექმნილი ვითარება; გაზეთში იბეჭდება პარიზის სამშვიდობო კონფერენციაზე საქართველოს დემოკრატიული რესპუბლიკის მიერ წარდგენილი მოხსენებები, ქართველი პოლიტიკოსების მიმართვა ქართველი ხალხისადმი, სხვადასხვა უცხოურ გაზეთებში დაბეჭდილი სტატიები, რომლებიც საქართველოში შექმნილ ვითარებას ეხმიანებოდა. გაზეთის ბოლო გვერდებზე იბეჭდებოდა ელისაბედ ორბელიანისა და სხვა ქართველ ავტორთა ფრანგულად ნათარგმნი ლიტერატურული ნაწარმოებები და სხვადასხვა განცხადებები, აგრეთვე, როგორც ქართველ, ასევე უცხოელ ავტორთა სტატიები. გაზეთის გვერდებზე ქვეყნდებოდა პოლიტიკურ მოღვაწეთა სტატიები და პუბლიცისტური წერილები, მათ შორის, დამფუძნებელი კრების წევრის, ეროვნულ-დემოკრატ გიორგი გვაზავას პოლიტიკური ანალიზი და ყოფილი ფინანსთა მინისტრის, გიორგი ჟურულის მოთხრობა „ალზასელი გოგონა“. ასევე ითარგმნა და გამოქვეყნდა შიო არაგვისპირელის ნაწარმოებები.

თამარ ხეტაშვილი

ლიტერატურა

  • გაზ. „La RépublIque géorgIenne“, 1919-1920;
  • გაზ. „La GéorgIe Indépendante“, 1920-1921.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები