დენთი

16:48, 4 დეკემბერი 2017-ის ვერსია

დენთი - მყარი მრავალკომპონენტიანი ნივთიერება, რომელსაც ქიმიური გარდაქმნის შედეგად დიდი რაოდენობით სითბოს და აირის მაგვარი პროდუქტის გამოყოფის უნარი შესწევს. ქიმიური ენერგიის წყარო, რომელიც გამოიყენება ტყორცნისთვის ცეცხლსასროლ იარაღსა და რაკეტაში. ქიმიური გარდაქმნის ძირითადი ფორმაა წვა, ასაფეთქებელი ნივთიერებისთვის დამახასიათებელი დეტონაციისგან განსხვავებით.

დენთი შეიძლება იყოს ნიტროცელულოზური (უკვამლო) და ნარევი. ყველაზე მეტად გავრცელებულია ნიტროცელულოზური დენთი: პიროქსილინის, ბალისტიტის (უკვამლო დენთის სახეობა) და კორდიტული.

პიროქსილინის დენთი (წვის სითბო 3,0-4,5 მჯ/კგ) საფუძველია პიროქსილინი და პლასტიფიცირებული სპირტ-ეთეროვანი ნარევი. ძირითადად გამოიყენება ცეცხლსასროლი იარაღის სატყორცნ მუხტად.

ბალისტიკური დენთი (2,7-6,5 მჯ/კგ) გამოიყენება საარტილერიო სატყორცნ მუხტებად და სარაკეტო სათბობად.

კორდიტული დენთი (2,7-5,4 მჯ/კგ) - ცეცხლსასროლი იარაღის სატყორცნ მუხტად.

ნარევიანი დენთი სამი კომპონენტის მექანიკური ნარევია. მათ განეკუთვნება: კვამლიანი (2,7_3,0 მჯ/კგ), რეაქტიული (მყარი სარაკეტო სათბობი), ამონიური (სუროგატული) დენთი.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017