ერწუხის ბრძოლა 1104
NPLG Wiki Dictionaries გვერდიდან
ერწუხის ბრძოლა 1104 - დავით აღმაშენებლის მიერ კახეთ-ჰერეთის სამეფოს დაკავების შემდეგ (1104), რომელიც სელჩუკთა სულთნის ვასალური სამფლობელო იყო, სელჩუკები შეეცადნენ დაკარგული პოზიციების დაბრუნებას. განჯის ამირა დიდი ლაშქრით შეიჭრა ჰერეთში, მაგრამ დავით აღმაშენებელმა ერწუხთან (ახლანდელ საინგილოში) გზა გადაუღობა მტერს და სასტიკად დაამარცხა.
ერწუხის ბრძოლის შემდეგ კახეთ-ჰერეთი საბოლოოდ შევიდა გაერთიანებული საქართველოს სამეფოში, რამაც საქართველო ეკონომიკური და სამხედრო თვალსაზრისით საგრძნობლად გააძლიერა.
