თრდატი
NPLG Wiki Dictionaries გვერდიდან
თრდატი - ოცდამერვე მეფე ფარნავაზის შემდეგ. მეფე თრდატი იყო ვარაზ-ბაქარის სიმამრი პირველი ცოლიდან, ანუ რევის შვილი. მართალია, თრდატი უკვე მოხუცი იყო როცა ტახტზე ავიდა (394-405წ.წ.), მაგრამ სანამ მეფობდა, დაამშვიდა აღელვებული ხალხი, ააშენა და შეაკეთა ეკლესიები, დაამყარა სპარსეთსა და საბერძნეთს შორის სიმშვიდე. თრდატ მეფემ გაიყვანა რუსთავის არხი და ააშენა ეკლესიები რუსთავსა და ნეკრესში. მისი გარდაცვალების შემდეგ ტახტზე ავიდა ვარაზ-ბაქარის ძე მეორე ცოლიდან - ფარსმანი.
