იგავი ათ ქალწულზე

NPLG Wiki Dictionaries გვერდიდან
(სხვაობა ვერსიებს შორის)
გადასვლა: ნავიგაცია, ძიება
(ახალი გვერდი: '''იგავი ათ ქალწულზე''' - იესო ქრისტეს ერთ-ერთი იგა...)
 

მიმდინარე ცვლილება 14:05, 9 აგვისტო 2019 მდგომარეობით

იგავი ათ ქალწულზე - იესო ქრისტეს ერთ-ერთი იგავი მათეს სახარებიდან (25:1-13).

მაშინ ემსგავსება სასუფეველი ცათა ათ ქალწულს, რომლებმაც აიღეს თავისი ლამპრები და გავიდნენ სიძის მისაგებებლად; ხოლო ხუთი მათგანი იყო სულელი და ხუთი – გონიერი. სულელებმა აიღეს თავისი ლამპრები და არ წაიღეს თან ზეთი; ხოლო გონიერებმა წაიღეს ზეთი ჭურჭლით თავის ლამპრებთან ერთად. და რადგან იგვიანებდა სიძე, მიერულა ყველას და დაიძინეს. და შუაღამისას ძახილი იყო: აჰა, სიძე მოდის, გამოდით მის მისაგებებლად. მაშინ ადგა ყველა ის ქალწული და მოამზადა თავისი ლამპრები; ხოლო სულელებმა გონიერებს უთხრეს: მოგვეცით ჩვენ თქვენი ზეთიდან, რადგან ჩვენი ლამპრები ქრება. მიუგეს გონიერებმა და უთხრეს: ვაითუ არ გვეყოს ჩვენც და თქვენც; უმჯობესია, წახვიდეთ ვაჭრებთან და იყიდოთ თქვენთვის. და როდესაც წავიდნენ ისინი საყიდლად, მოვიდა სიძე და ვინც მზად იყო, შევიდა მასთან ერთად ქორწილში და დაიხშო კარი. ბოლოს მოვიდნენ დანარჩენი ქალწულებიც და ამბობდნენ: უფალო, უფალო, გაგვიღე ჩვენ. ხოლო მან მიუგო და უთხრა: ამინ გეუბნებით თქვენ, არ გიცნობთ თქვენ. ასე რომ, იფხიზლეთ, რადგან არ იცით დღე, არც ჟამი, როცა ძე კაცისა მოვა“ (მათე, 25:1-13).


[რედაქტირება] წყარო

მართლმადიდებლობის საფუძვლები

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები