კახეთის აჯანყება 1615

NPLG Wiki Dictionaries გვერდიდან
გადასვლა: ნავიგაცია, ძიება

კახეთის აჯანყება 1615 - კახეთის მოსახლეობის ბრძოლა სეფიანთა ირანის წინააღმდეგ.

1614 წელს აბას I -ის ჯარების შემოსევით აოხრებული კახეთის მოსახლეობა (აბას I-ის ლაშქრობები საქართველოში) შესაფერის მომენტს უცდიდა აჯანყების დასაწყებად.

ირან-ოსმალეთის ახალი ომის დაწყებისას, 1615 წლის 15 სექტემბერს, კახეთში აჯანყებამ იფეთქა. აჯანყებულებმა ამოხოცეს ალავერდის გალავანში გამაგრებული ყიზილბაშთა რაზმი და ეს ამბავი ქუთაისში მყოფ თეიმურაზ I -ს აცნობეს. იგი სასწრაფოდ ჩავიდა კახეთში, სათავეში ჩაუდგა აჯანყებას და განაგრძო კახეთის ციხეების გაწმენდა ირანული გარნიზონებისაგან. შაჰმა აჯანყების ჩასახშობად 15 ათ-ანი ლაშქარი გამოგზავნა ალიყული-ხანის სარდლობით, მაგრამ თეიმურაზ I-მა, რომელმაც მტრის გეგმების შესახებ შაჰის სამსახურში მყოფი ქართველებისგან შეიტყო, 6 ათასი მეომრით არაგვზე ბრძოლა გაუმართა ალიყული-ხანს და დაამარცხა იგი.

ყიზილბაშთა დახოცვამ შაჰ-აბასი სასტიკად განარისხა. 1616 წლის გაზაფხულზე იგი პირადად ჩაუდგა სათავეში დამსჯელ ლაშქრობას, შემოიჭრა კახეთში და სასტიკად ააოხრა ქვეყანა. თეიმურაზ I იძულებული გახდა ისევ იმერეთისთვის შეეფარებინა თავი.



წყარო

ქართული სამხედრო ენციკლოპედიური ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები