ლაგოდეხის იორდასალამი
NPLG Wiki Dictionaries გვერდიდან
11:40, 23 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ლაგოდეხის იორდასალამი – (Paeonia lagodechian Kem.-Nath); ოჯახი: იორდასალამისებრნი (Paeoniaceae). 50-100 სმ სიმაღლის მრავალწლიანი ბალახოვანი მცენარეა. ღერო წახნაგებიანია და შეფოთლილი. ფოთლები ორ-სამნაკვთიანია, ლეგა, ნაზი და სადა. ფოთლის ნაკვთები მოგრძო-ელიფსურია. ყვავილი ვარდისფერია, ფართოდ არის გადაშლილი. მტვრიანების ძაფები მეწამულია. ყვ. ნაყ. V. მცენარე შუა სარტყლის ტყეებში იზრდება. მისი ნახვა შესაძლებელია ლაგოდეხის დაცულ ტერიტორიაზე. საქართველოში სხვაგან არ იზრდება. კავკასიის ენდემია. მცენარე აღწერილია 1953 წელს ლაგოდეხში.
