მაკდონალდი ჯეიმზ რამზი
ჯეიმზ რამზი მაკდონალდი – (1866-1937). დიდი ბრიტანეთის სახელმწიფო და პოლიტიკური მოღვაწე, ლეიბორისტული პარტიის ერთ-ერთი ლიდერი.
დაიბადა შოტლანდიელი მუშის ოჯახში. 1885-დან – სოციალ-დემოკრატიული ფედერაციის, 1886-დან – ფაბიანელთა საზოგადოების წევრი. 1894 შევიდა დამოუკიდებელ მუშათა პარტიაში (1906-09 – მისი თავმჯდომარე). 1900-12 – ლეიბორისტული პარტიის მდივანი. 191X2-14 – პარტიის ხაზინადარი. I მსოფლიო ომის (1914-18) დროს პაციფისტურ პოზიციებზე იდგა. 1924 და 1929-31 – ლეიბორისტული მთავრობების პრემიერ-მინისტრი. 1931 სათავეში ჩაუდგა ე.წ. ეროვნულ-კოალიციურ მთავრობას, რომელიც შეიქმნა ლეიბორისტულ პარტიაში მომხდარი განხეთქილების გამო. ჯ. ტომასთან და უ. სნოუდენთან ერთად დააარსა ე.წ. ეროვნულ-ლეიბორისტული პარტია. მაკდონალდმა ხელი შეუწყო დაუესის გეგმის მიღებას. 1924 წლის თებერვალში მისმა მთავრობამ იურიდიულად ცნო საბჭოთა მთავრობა, ხოლო 1929 წლის შემოდგომაზე აღადგინა დიპლომატიური ურთიერთობა სსრ კავშირთან, ხელი მოაწერა ინგლის-საბჭოთა კავშირის ხელშეკრულებებს 1924 (საერთო და სავაჭრო). ე.წ. „ეროვნული“ მთავრობის შექმნის შემდეგ მხარს უჭერდა საბჭოთა კავშირის წინააღმდეგ დასავლეთის სახელმწიფოებისა და ფაშისტური გერმანიის ბლოკის შექმნის იდეას…
