მუსულმანთა ეროვნული საბჭო

NPLG Wiki Dictionaries გვერდიდან
გადასვლა: ნავიგაცია, ძიება

მუსულმანთა ეროვნული საბჭო - საქართველოს დემოკრატიულ რესპუბლიკაში მოქმედებდა მუსლიმთა ეროვნული საბჭო, რომელიც 1919 წლიდან მონაწილეობას იღებდა საქართველოს დამფუძნებელი კრების არჩევნებში. ცენტრალურ საარჩევნო კომისიას პოლიტიკურმა სუბიექტმა ქართულ და რუსულ ენაზე შედგენილი 5-კაციანი საკანდიდატო სია წარუდგინა. საკანდიდატო სია დამოწმებული იყო მუსლიმთა ეროვნული საბჭოს ბეჭდითა და საბჭოს თავმჯდომარის მოადგილის, საკანდიდატო სიის პირველი ნომრის, ალიბეგ ასლან აღა ოღლ ბაირამოვის ხელმოწერით. დამფუძნებელი კრების ძირითად არჩევნებში პოლიტიკურმა სუბიექტმა ყველაზე ცოტა, 6 ხმა მიიღო. საბოლოოდ, ორი დამატებითი არჩევნების შედეგად, ჯამში 106 ხმა მოაგროვა.

ირაკლი ირემაძე

ლიტერატურა

ი. ირემაძე, ს. ჭანტურიძე, „პირველი საყოველთაო დემოკრატიული არჩევნები დამოუკიდებელ საქართველოში“, თსუ, ცესკო, IFES. 2017.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები