ნინშუბური

NPLG Wiki Dictionaries გვერდიდან
გადასვლა: ნავიგაცია, ძიება

ნინშუბური(შუმ.) „ქალბატონი შუბური“, ინანას მაცნე მითოლოგიურ ტექსტში „ინანას ჩასვლა ქვესკნელში“.

ვიდრე ქვესკნელში ჩავიდოდეს, ინანა ავალებს ნინშუბურს, შეატყობინოს დიდ ღმერთებს ეს ამბავი, რათა ისინი შეეწიონ მას და მეოხება გაუწიონ ქვესკნელის დედოფლის წინაშე. ქალღმერთი ამგვარი სიტყვებით მიმართავს თავის მაცნეს: „ჰოი, მარად ერთგულო ჩემო, მაცნევ, ჩემო, სასურველ ამბავთა... დღეიდან ქვესკნელში ჩავდივარ. როცა მე ქვესკნელში ვიქნები, ჩემს გამო გლოვა გამართე, საკრებულო სადგომში საკრავი დამიკარი, ღმერთების საყდრები ჩემთვის მოიარე, თვალები დაითხარე, პირი-სახე დაიხოკე, უპოვარივით ერთადერთი სამოსი შეიმოსე...“

ნინშუბური ასრულებს ინანას დავალებას და მართლაც სამი დიდი ღმერთის ტაძარს შემოივლის. მის სიტყვას მხოლოდ ენქი ათხოვებს ყურს და დაუდგება ქომაგად ინანას ქვესკნელის დედოფლის, ერეშქიგალის, წინაშე.



წყარო

მითოლოგიური ენციკლოპედია ყმაწვილთათვის

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები