ოცხელი სიმონ

11:13, 18 აპრილი 2019-ის ვერსია

ოცხელი სიმონ - (1868, ქუთაისი - ?) - ცნობილი პედაგოგი. იოსებ ოცხელის ძმა.

ბიოგრაფია

დაამთავრა ქუთაისის კლასიკური გიმნაზია, შემდეგ, 1889 წელს ოდესის უნივერსიტეტის ფიზიკა-მათემატიკის ფაკულტეტი. ორმოცდასამი წლის განმავლობაში ეწეოდა პედაგოგიურ და საზოგადოებრივ მოღვაწეობას. 1893-1905 წლებში ასწავლიდა თბილისის მესამე ვაჟთა გიმნაზიაში; 1905-1921 წლებში ქუთაისის ქართულ გიმნაზიაში; 1921 წლიდან ქუთისის სხვადასხვა სკოლასა და ტექნიკუმში. საქართველოს დამოუკიდებლობის წლებში მონაწილეობდა სკოლების გაეროვნების საქმეში; შეადგინა დაწყებითი და საშუალო სკოლებისათვის ქართული სახელმძღვანელოები ალგებრაში, გეომეტრიაში, არითმეტიკაში, ფიზიკაში. პედაგოგიური მუშაობის გარდა მონაწილეობდა ქუთაისის კულტურულ-საგანმანათლებლო წამოწყებებში, საისტორიო და საეთნოგრაფიო საზოგადოების მუშაობაში. იყო ქუთაისში სახალხო უნივერსიტეტის დაარსების უშუალო მონაწილე. ძმები სიმონ და იოსებ ოცხელების თაოსნობით ქუთაისში დაარსდა გამომცემლობები “განათლება” და “სკოლა”, ს. ოცხელი გამომცემლობა “განათლების” მთავარი რედაქტორი იყო.

დოდო ჭუმბურიძე

ლიტერატურა

http://nateba.net/IndeX.php/bIographIes/155-otskhelI

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

სიმონ ოცხელი