პომპეი

პომპეი – იტალიის დასავლეთით მდებარეობს მხარე, რომელსაც კამპანია ეწოდება. უძველესი დროიდან იქ მოსახლეობდნენ იტალიკური წარმოშობის ტომები, ოსკები, რომელთაც ბერძნული კულტურის გავლენა განუცდიათ. პომპეი სწორედ ამ ტომებით დასახლებული კამპანიის ქალაქი ყოფილა. ძვ.წ.V საუკუნიდან პომპეიში სხვა იტალიკური ტომების, სამნიტების ბატონობა დასტურდება, ხოლო ძვ.წ. 89 წელს იგი რომაელმა დიქტატორმა სულამ დაიმორჩილა და რომის კოლონიად გამოაცხადა.

ჩვ.წ. 63 წელს პომპეი მიწისძვრას დაუნგრევია, ხოლო 79 წელს ვეზუვიუსის ვულკანიდან ამოფრქვეულ ლავას ერთიანად დაუფარავს. ქალაქი ისტორიის არენიდან ხანგრძლივი დროით გაქრა. მხოლოდ 1748 წლიდან დაიწყო იქ არქეოლოგიური გათხრები, რომელმაც მრავალი დიდებული ძეგლი გამოავლინა.

წყარო

მითოლოგიური ენციკლოპედია ყმაწვილთათვის