ჟამის საწირი
NPLG Wiki Dictionaries გვერდიდან
18:06, 16 მაისი 2020-ის ვერსია, შეტანილი Tkenchoshvili (განხილვა | წვლილი)-ის მიერ
ჟამის საწირი - (ხევს.), სარიტუალო შესაწირავი პურები - სამი დიდი ხავიწიანი ქადა - ერთმანეთზე დაწყობილი და მათზე დადებული 9 უბრალო თხელი პური.
ყველა ეს პური დაჭრელებულია საჭვრეთათი და გაპოხილია ერბოთი. როცა დალოცვის შემდეგ ლუდის სმა გახურდება, „ღამის სამთელოიან“ ტაბლას გადმოდგამს ხუცესი, დაილოცება, ჯვარედინად გადაუსვამს დანას და გაჭრის ოთხად, შემდეგ კი უფრო პატარ-პატარა ნაწილებად - „ნაწვრეთებად,“ დაანაწილებს და მიართმევს ყველას.
ლიტერატურა
ალ. ოჩიაური, ხალხურ დღეობათა კალენდარი, 1988.
