იხილეთ წყარო გვერდისთვის რეა

[[ფაილი:Rea Cvili zevsiT.png|thumb|'''რეა ჩვილი ზევსით'''. <br />ტერაკოტას რელიეფი (ახ.წ. II ს.), პარიზი, ლუვრი]]	
'''რეა''' – ''(ბერძნ.)'' დედა-ღვთაება, [[ურანოსი]]სა და [[გეა]]ს ასული (ზოგჯერ მას გეასთანაც
აიგივებდნენ). [[კრონოსი]]ს მეუღლე და მისი ყველა შვილის ([[კრონიდი|კრონიდების]]) დედა.

რეას თაყვანისცემის უძველეს ადგილად ითვლებოდა კუნძული კრეტა, სადაც მან ერთ-ერთ მღვიმეში შვა [[ზევსი]], რომელიც თავის [[ქურუმები|ქურუმებს]] მისცა აღსაზრდელად. ამ ქურუმებს [[კურეტები|კურეტებად]] უხმობდნენ და ისინი რეასა და იდელი ზევსის დღესასწაულის უცვლელი თანამდევები იყვნენ.

რეას [[კულტი]] ადრეულ ხანაშივე შეერთო მცირეაზიული ღვთაების, [[კიბელე]]ს კულტს. [[რეა-კიბელე]]ს თაყვანისცემას ორგიასტული ხასიათი ჰქონდა.

ძვ. წ. III საუკუნიდან ეს კულტი რომმაც მიიღო. რეა-კიბელეს წმინდა მცენარეებად ითვლებოდა მუხა და ფიჭვი, ცხოველად – ლომი. ჩვეულებრივ, რეა-კიბელეს წარმოსახავდნენ ეტლზე აღზევებულს, რომელსაც ლომები მიაქროლებდნენ. ქალღმერთს თავზე [[დიადემა]] ედგა, ხოლო ხელთ [[ტიმპანონი]] ეპყრა.

ბერძნულ რელიგიაში პირადად რეას არ უგებდნენ ტაძრებს, მას თაყვანს სცემდნენ კრონოსთან ან ზევსთან ერთად.

[[ათენი|ათენში]] რეასა და მისი მეუღლის პატივსადებად იმართებოდა ზეიმი, რომელსაც კრონიები ეწოდებოდა. რომში რეას კულტი შეერთო ქალღმერთ [[ოპსი]]სა და მისი მეუღლის, [[სატურნუსი]]ს კულტს, ხოლო მათ პატივსადებ ზეიმს [[სატურნალიები|სატურნალიებად]] უხმობდნენ.


== წყარო ==
[[მითოლოგიური ენციკლოპედია ყმაწვილთათვის]] 

[[კატეგორია:მითოლოგია]]
[[კატეგორია:ბერძნული მითები]]
[[კატეგორია:მითოლოგიური პერსონაჟები]]
[[კატეგორია:ტიტანიდები]]