რივერსის საადრეო
რივერსის საადრეო - (Précoce de Rivers). ამერიკული წარმოშობის ატმის ჯიშია, ეკუთვნის ეგრეთწოდებულ ამერიკულ ადრეულა ჯიშების ჯგუფს. ძველიდანვე ფართოდაა გავრცელებული ევროპაში.
საქართველოს რაიონებში შემოტანილი ჯერ კიდევ მსოფლიო ომის წინ, მაგრამ ფართოდ არ გავრცელებულა.
ამ ჯიშის ნაყოფი გემოს მხრივ საუკეთესოდ ითვლება ადრეულა ატმებს შორის, მხოლოდ ტრანსპორტს სულ ვერ იტანს. ნაყოფი ადვილად იბეჟება და თუ ნაყოფი ფრთხილად არ დაიკრიფა, მისი კანი ილაქება. ამ მიზეზის გამო ეს საუკეთესო გემოს ატამი ფართოდ არ გავრცელდა ჩვენს რაიონებში. მიუხედავად ამისა, რივერსის საადრეო კარგ სუფრის ჯიშად უნდა ჩაითვალოს ბაღის მოყვარულთათვის.
მწიფდება ივლისის შუა რიცხვებში.
ხე
ხე ხასიათდება მომრგვალო ვარჯით, არახშირი დატოტვით, ფოთოლი განიერ–ლანცეტისებრი ფორმისაა, ღია მწვანე ფერის. ყვავილი მსხვილია, ბაცი–ვარდისფერი გვირგვინის ფურცლებით. ყვავილობის პერიოდი საშუალოა.
ნაყოფი
ნაყოფი მრგვალია, ბოლოვდება პატარა ნისკარტით. ღარი ნაყოფზე კარგად ემჩნევა, საშუალოსიღრმისაა. ნაყოფი მსხვილია (6,3X6,5X5,8 სმ). Iწონის 109-129 გრამს.
ნაყოფის კანი სქელია, არამკვრივი, საშუალოდ შებუსვილი, ადვილად სცილდება მწიფე ნაყოფს.ნაყოფის კანი მოყვითალო–თეთრი ფერისაა, მზის მხარეზე სუსტად დაფენილია ვარდისფერი წინწკლებით.
ნაყოფის ხორცი თეთრია, კურკასთან არ არის შეფერილი, ნაზია, მდნარი, ძლიერ წვნიანი, მომჟაო–ტკბილი გემოსი, სუსტი სურნელებით. სახრავი ჯიშია. კურკა ნაყოფში ხშირად სკდება.
წყარო
საქართველოს კულტურული ფლორის ატლასი = Атлас культурной флоры Грузии = Atlas for the cultivated Flora of Georgia / ნ. ხომეზურიშვილი და ელ. ერისთავი ; საქართველოს სსრ მიწსახკომი. ლ.პ. ბერიას სახელ. სას.-სამ. ინსტიტუტი. - თბილისი : ტექნიკა და შრომა, 1939-1951. - 30 სმ[MFN: 51572] თემატიკა: - საქართველოს კულტურული ფლორის ატლასები; ტ. 2 : საქართველოს სამრეწველო ხილის ჯიშები = Промышленные сорта плодов Грузии = Varietes of commercial Georgian Fruits. - 1941. - 217, LIV გვ. : ილ., 71 ჩართ. ფურც. ფერ. ილ.. - დამატებითი თავფურცელი რუსულ, ინგლისურ ენებზე. - ტექსტი ქართულ, რუსულ, ინგლისურ ენებზე. - 73მ., ყდა 7მ., 2500ც.[MFN: 52879] UDC: 634.1/7:631.526.32 თემატიკა: - ხილის ჯიშები საქართველოში;
