ურაშა

12:59, 19 ნოემბერი 2018-ის ვერსია

ურაშა

ურაშა - (oterium polygamum Desf. = Sanguisorba minor subsp. Magnolia [Spach] Briq.); ოჯახი: ვარდისებრნი (Rosaceae). 30-60 სმ სიმაღლის მრავალწლიანი ბალახოვანი მცენარეა. ღერო სწორად მდგომია, დატოტვილი, ძირში ფოთლებიანად ცოტად თუ ბევრად გაფარჩხულბეწვიანი, ზედა ნაწილში შიშველია, ზოგჯერ კი მთლიანად შიშველი. ფოთლები კენტფრთისებურია, უმეტესობა ფესვის ყელთანაა თავმოყრილი. თავაკები გრძელყუნწიანია, სფერული, 2 სმ-მდე სიგრძის. ჯამი მოყვითალოა, ზოგჯერ წაბლისფერი. ყვ. ნაყ. V-IX. იზრდება მშრალ ფერდობებზე, მდელოებზე, ქვაღორღიან და თიხნარ ნაზვავებზე, ტყის პირებში, ბუჩქნარებს შორის, ნაჩხატებსა და ნათესებში მთის ზედა სარტყლამდე. კახეთში მისი ნახვა შესაძლებელია თითქმის ყველგან. გავრცელებულია თითქმის მთელ საქართველოში.

ურაშა – ბიბლიური მცენარე

ურაშა ბასრი ეკლების მქონე ბუჩქოვანი მცენარეა. ადამიანი , ერიდება მასზე გავლას, უფრთხის ეკლების გამო. დამოწმებულ მუხლში ურაშა არის ნახსენები მისი ბოროტი თვისების გამო, შეეჩეხოს ადამიანი, მან კი თვალი გამოთხაროს მას უფალი ღმერთი ქანაანის ქვეყანაში დამკვიდრებულ ებრაელობას აფრთხილებდა არ შერეოდნენ იმ ხალხს, რომელიც მათთან ერთად დარჩა ამ მხარეში, არ ეხსენებინათ, თაყვანი არ ეცათ მათი ღმერთებისათვის. ასეთ ვითარებაში აფრთხილებს ებრაელ ხალხს ღმერთი და იესო ნავეს პირით ეუბნება ქვემოთ მოტანილ სიტყვებს, რითაც გასაგები ხდება, რატომ აშინებს უფალი ებრაელ ხალხს ურაშათი.

„იცოდეთ, აღარ აჰყრის უფალი თქვენგან ამ ხალხებს, არამედ მახედ და ხაფანგად, შოლტად ექცევიან თქვენს ფერდებს, ეკლად ჩაგესობიან თვალში, ვიდრე არ გადაშენდებით ამ მადლიანი მიწიდან, რომელიც უფალმა, თქვენმა ღმერთმა მოგცათ თქვენ“. (იესო ნავეს ძე 23,130

წყარო

• კახეთის რეგიონის მცენარეები
• ბიბლიური მცენარეები