ქვემო ჭალა

ქვემო ჭალა - სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში, ლეხურის ნაპირებზე, ქ. კასპიდან 13 კმ-ზე.

1881 წლის 1 მარტს ინტელიგენციის თაოსნობით საზეიმო ვითარებაში გაიხსნა სოფლის ერთკლასიანი სკოლა. სკოლაში თავდაპირველად 15 მოსწავლე იყო. პირველი მასწავლებელი იყო გორის საოსტატო სემინარიის ყოფილი შეგირდი მ. რცხილაძე, 1884-96 წლებში ამ სკოლაში მოღვაწეობდა ნიკო ლეონიძე (გიორგი ლეონიძის მამა). მისი მეცადინეობით 1887 წ მარტში სკოლას მეორე კლასიც დაემატა. მანვე დააარსა სკოლაში სცენის მოყვარულთა დასი. 1885 წლის 4 იანვარს სკოლის სცენაზე დაიდგა კ. აბაშიძის ვოდევილი „ცოლი თუ გინდა, ეგ არის“.

წყარო

საქართველოს ისტორიის და კულტურის ძეგლთა აღწერილობა