ყაყაჩო (Papaver hybridum L.)
NPLG Wiki Dictionaries გვერდიდან
11:01, 12 აპრილი 2018-ის ვერსია, შეტანილი Tkenchoshvili (განხილვა | წვლილი)-ის მიერ
ყაყაჩო – (Papaver hybridum L.); ოჯახი: ყაყაჩოსებრნი (Papaveraceae). 10-50 სმ სიმაღლის ერთწლიანი ბალახოვანი მცენარეა. დატოტვილი, სწორი, ჯაგრისებურად შებუსული. ღეროსეული ფოთლები ვიწრო-ხაზურად არის დანაკვთული. ყვავილის ყუნწებიც და კოკრებიც ჯარგისებურად არის შებუსული. ყვავილი ვარდისფერია ან წითელი. გვირგვინის ძირი მცირე ზომის შავი ლაქით არის წარმოდგენილი. ყვ. ნაყ. IV-VI. იზრდება ველებისა და ნახევარუდაბნოების ფორმაციებში, ნათესებში და მშრალ ფერდობებზე. მისი ნახვა შესაძლებელია ვაშლოვანის დაცულ ტერიტორიაზე. გავრცელებულია იმერეთში, შიდა ქართლსა და ქვემო ქართლში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
